موضوع: كيكة سميدة ساهلة ماهلة و لدذيذة الجمعة 17 يونيو 2011, 00:52
[size=16][size=29]السلام عليكم حبيباتي
عندي ليكم كيك ساهل ماهل و مزيان للكاسكروط و الوليدات و حتى الناس الكبار اللي معندهم سنان لانه رطب كنوجدها مع الغدا باش تكون واجدة فالعشية
نبداو مقادير [/size][/size]
في الخلاط غدي توضعي التالي :
اربع بيضات كاس و نص الحليب ( كاس العنبة) كاس و نص الزيت كاس و نص سنيدة
نطربو كلشي نكبوه فشي اناء فاش غدي نخلطو الكيك نزيدو عليه جوج كيسان د السميدة الرقيقة و كاس و نص الفورص تلات خمارات و جوج فاتي
نخلطو كلشي غير بيدنا و لا ملعقة خشبية
و نصبوه في مول الفران مدهون بالزبدة و الطحين
ندخلوها للفرن حتى تحمر و نخرجوها و نسقيوها بكاس عصير البرتقال نسخنوه مع جوج معالق السكر اولا بلاش حسب الدوق ديالك و تقيها مزيان حيت هي كتشرب دغيا متخافيش مغديش تعجن من بعد مباشرة ترشيها بالكوك و لا اللوز مطحون حسب الذوق
اليكم الصور كنحب نذكر دائما انني كنصور بالبيسي كنديه لعيونكم حتى الكوزينة باش نقدر نصور لان كامرة البورطابل مكتصورش مزيان
هههههه سمحو لي سبقتكم و طيرت طريف من القنت ديال الطاوة ههههههههههه
و هدا لاول وحدة تشوف موضوعي و ترد علي بشي دعيوة صالحة
بالصحة و الراحة و قبلو علي
تحياتي حبيباتي
من فضلك ألصق هذا الكود في المكان الذي تريد أن تضع فيه مركز التحميل
عدد المساهمات
الجمعة 17 يونيو 2011, 00:52
