روح ماريدك ولا اريدن هواك
اني احسنلي اموت بلا هوه
صح مريض بحبك وعايش عليل
بس حشاك انعل ابو هيجي دوه
ظلمة العزة شرف واتباهه بي
ولا اعيشن لحظة في ذل الضوه
جانت احله ايام واجمل ذكريات
البيها عاشن روحك وروحي سوه
فكست عين الصور برموش ايديك
وكطعت بجفوفك خيوط الضوة
يل نويت تبيع منهو اليشتريك
اشتروك لتمرتك وانته نوة
اني امس يالباجرك يضحك عليك
وين تلكه بحضرة الميت دوه
طبعك الرية الهوه يمر بيها دوم

وطبع بيها تبدل بلحظة الهوه