واحد المكلخ سول صاحبو : بغيت نبيع الطوموبيل ديالي 205 بشي ثمن غالي، أش ندير؟؟
قال ليه صاحبو : مسح ديك 205 و كتب مرسيدس و لا بي ام
دازت مدة، سوله صاحبو : إيوا، بعتي الطوموبيل ؟؟
قال ليه المكلخ : واش تسطيتي؟ كاين شي واحد كيبيع البي ام ؟؟!!
الحفرة
هادو رباعة ديال المكلخين عندهم حفرة فالحومة، ناضوا تجمعو باش يلقاو شي حل
قال ليهم واحد: نديروا شي فرملي ف الحفرة، باش اللي طاح فيها يداويه ف البلاصة
قال ليهم واحد اخر: لا نجيبو لابيلانص حدا الحفرة، باش اللي طاح نديوه فيساع للسبيطار
هدر واحد اخر: نريبوا داك السبيطار، ونبنيو واحد اخر
ناض واحد قال ليهم: وا لا! خاصنا نسدو هاديك الحفرة...
ونحفروا وحدة أخرى قدام السبيطار
هادا واحد مكلخ كان غادي وهي تبان ليه 200 درهم جديييييدة طايحة فالأرض
شاف حتى ما بان ليه حتى واحد
وهو يهز ال 200 درهم جديدة وحط بلاصتها 200 درهم قديمة و مشى هرب يجري
زيتون
هبيل سألوه : الزيتون فين كينوض؟
قال ليهم : كينوض في الكاشير
لقى 4000 ريال
واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا
و1000 للوالدة كاتسالها ليا
و 2000 اللي كايسالني مول الحانوت
وهو يقول اش غادي يبقى ليا !!!
و الله لا هزيتها
عدد المساهمات
الإثنين 19 سبتمبر 2011, 06:12
