nokat algerie .نكت جزائرية . da7ik dz

نكت جزائرية 2011 جديدة جدا تضحك

-واحد كذاب ادعى بلي راح لمكة يحج سقساه واحد قالوا واش شفت في الحج قالوا ابى جهل راكب bmw ماتركيل 49 عام 2012

أستاذ , كان يصحح في أوراق الإمتحان , لقى ورقة مكتوب فيها " يا أستاذ
أرجوك لا تفتح الورقة " , فلم يفتح الورقة لكن الفضول قتله , فتردد هل يفتح
أم لا وبعد ساعتين من التردد فتح الورقة فوجد مكتوبا فيها " فتحتها يا بن
الكلب ؟؟ "

أيا واحد خروف صقصا أمه : قالها مااااااا وين راه باااااااااا قالتلو اتبااااااع

أيا واحد جا فايت على جدار فيه ثقب , سمع من ورا الجدار 12 . 12 .12 ....
قتلو الفضول شاف من هذاك الثقب , ثقبولو عينه سمع بعدها 13 13 13 .....

قالك واحد لبس كوستيمة فور , وخرج برة يمشي , دار فيها قارو نسيم , جازت
عليه واحدة شابة بزاف , خبأ القارو في الجيب وهو شاعل , المهم شعلت فيه
النار جاتو هذ الشابة وقاتلو _ خو راك تشعل _ يعني راك تشتعل ,,, قالها :
خوك ديما يشعل <<< عندبالو قالتو راك تشعل بالنظافة

أيا قالك وحدة جازت على راعي , قالتو _ عمو Bonjour بونجور _ قالها : يبنجرك بالخير بنتي

واحد حابس حب ينتحر اركب فوق صخرا وحب يرمي روحو جا ليه واحد وقالو واش راك
حاب دير قالو ننتحر قالو اركب فوق عمارة وارمي نفسك يلا راك حاب تنتحر
قالو وعلاش راك حاب تقتلني

واحد دار عرس وعرض نساء بزاف , المهم اللي اسمها مليح كيما سارة , سوسو ,
ميمي , شاهيناز , يروحو لكار , واللي اسمها ماشي مليح كيما , خيرة ومرزاقة
والعلجة , يروحو لكاميو باش يديرو كورتاج, المهم كل ما تجي وحدة يسقصيها
صاحب العرس وش اسمك , تقولو سارة يقولها الكار , الأخرى واش اسمك ؟ , تقولو
زوينة يقولها الكاميو ,,, حتى جات وحدة قالها واش اسمك قاتلو فتيحة
ويعيطولي فاتي , قالها ديري دورة للكار وأرجعي للكاميوووووووو

. قالك واحد مرة لقى عجوز هازة قرعة غاز تعبتها بزاف , ايا قالها يما نهزلك
القرعة وادعيلي دعوة خير , عطاتهالو وقاتلو الله يفتحها في وجهك

جزار راح يخطب في وحدة ,تلاقى مع والد البنت , قالو شحال تعطيلي بنتك قالو 80 مليون , قالو علاه شحال راكم تحسبو في الكيلو ؟

واحد راح للطبيب النفسي قالو يا سيدي أصبحت أحس أنني كلب , قالو منذ متى تعاني هذا المرض قالو منذ كنت جروا

قالك أيا واحد كل يوم يريح في القهوة ,و كل يوم تجوز عليه وحدة يشوف معاها
وتشوف معاه , بقاو على هذي الحال عام , وحد النهار شافها مع واحد راح ليها
قالها اللي بيناتنا أنسايه

أيا قالك واحد راح مصنع انتاع مركبات كيميائية , لقى صهريج فيه حمض الكلور
HCL , حب يعرف وش هو الأسيد , دخل يدو ثمة , كي خرج مالقاش يدو ؟؟؟ آو(ذابت
في الحمض ) ؟ داخ , زاد لاح يدو الأخرى وخرجها مالقاهاش ؟ أيا لاح راسو
يحوس عليهم

زوج تزوجو , وبعد 20 سنة زواج المرأة حملت , ما تفاهموش , هو قالها نسميه
خير الدين , وهي قاتلو خير الله , المهم , كي ولدت طفل خرج
صغييييييييييييييير سماوه " خير من بلاه "

واحد راح يخطب في طفلة , قالو باباها /: واش تخدم ؟ قالو : جارنا طبيب

واحد خرج من مستشفى المجانين , يخدم حلاق , أيا جاء ال****ون الأول , كي بدا يحففلو , سقصاه : تستحق وذنك ؟؟
ال****ون يحسبوا يضحك معاه "اعتقد أنه يمزح " : قالو لا , المهبول قطع أذن
ال****ون ورماها في الخارج , ال****ون مات من الرعب , عاود سقصاه : تحتاج
الأذن الأخرى ؟, ال****ون قالوا برعب ايه , الحلاق قطعها واعطاهالو

واحد اسمو مفتاح لما مات دارهم ماحزنوش ومابكاوش عليه,كي صقصاوهم وعلاش ؟ قالوا : عندنا الدوبل

ذهب طبيب العيون لفحص أحد المرضى , فحمل لافتة الحروف ليجرب نظره ووقف على مسافة معينة وسأل المريض : هل يمكنك قراءة الحروف
المريض لا
اقترب وسأله : والآن ؟
المريض لا
الطبيب اقترب مرة أخرى وسأله : والآن ؟
المريض : لا
الطبيب بعد أن اقترب : والآن ؟
المريض : أنا لا أعرف القراءة والكتابة يا دكتور

عجوز سقصات واحد " واش تخدم "؟ قالها طبيب أطفال , قالتلو وعلاش يا وليدي ماكنش عندك الدراهم تكمل قرايتك ؟

شخص يكره البنات , قال لو ولدت زوجتي بنت أقتلها , المرأة خلفت 15 ذكر , راح الرجل تبنى فتاة وقتلها خخخخ <<< هذي من عندي

الأول : لدي ذاكرة قوية أي شيء يدخل في رأسي لا يخرج
الثاني : وكيف نسيت المال الذي أقرضته لك
الأول : هذا دخل جيبي ولم يدخل رأسي

ــــ صدم شاب امرأة عجوزة بدراجته، و بدل أن يعتذر لها و يساعدها على النهوض أخذ يضحك عليها، ثم استأنف سيره ....

لكن العجوز نادته قائلة : لقد سقط منك شيء ....
فعاد الشاب مسرعا و أخذ يبحث، فلم يجد شيئا، فقالت له العجوز : لا تبحث كثيرا .. لقد سقطت رجولتك و لن تجدها أبدا ...

" الحياة لا قيمة لها إذا تجردت من الأدب، الذوق و الإحترام."ــ

ــــ قالك واحد قال لخطيبته : نبغيك و نموت عليك، قالت له : راك تهدر من قلبك .... قال لها : لا، راني نهدر من الطاكسيفون ....

ــــ بهلول حكموا عليه بالإعدام، سقساوه : واشن هو آخر شيء تتمناه قبل تنفيذ الحكم ؟
قال : أتمنى أن يكون هذا درسا لي في المستقبل إن شاء اللّه ....

لا تبخلو علي بردودكم المحفزة

تحياتي