واحد تالف سول واحد خينا : خويا عافاك أشنو أسرع طريق توصلني لصبيطار؟
قال ليه : غمض عينيك وقطع الشانطي



هادا واحد جات عندو نســـيـبتو. قال ليها : شحال غتبقاي معانا؟
قالت ليه : حتى تملو مني
قال ليها : وبقاي غير حتى تشربي أتاي بعدا]




واحد مشى عند مول الشفنج، قال ليه : عطيني كيلو ديال الشفنج.
كلاه وما شبعش، قال ليه : زيد نص كيلو.
كلاه وما شبعش، قال ليه : زيد رابعة.
كلاه وهو يشبع، وقال تفوووووووو من اللول كنت ناخد رابعة




واحد المعلم ديال الابتدائي قال للتلاميد دياولو : أنتم رجال المستقبل، أنتم مصابيح الغد
وهو يوقف واحد التلميد وشير لصاحبو اللي ناعس على الطاولة حداه : أستاد أستاد، ها واحد البولة تسوطات




واحد الاستاذ ديال الفيزيك سول واحد التلميذ مكلخ : ماهي الوحدة ؟
قال ليه المكلخ : هي الطناش القديمة



هادا واحد كيجري مورا التران، يطيح وينوض، يطيح وينوض
الناس كاملين اللي راكبين ف التران كيموتوا عليه بالضحك
ناض واحد طل عليه من الشرجم وقال ليه : وبركة أصاحبي، راه قتلتينا بالضحك

قال ليه هاداك الراجل : إيوا دابا تموتوا بالخلعة راه أنا الشيفور

دودات ف الحمام

هادو جوج دودات مشاو للحمام، وخرج ليهوم لوسخ بزاف
واحد الدودة قالت لصاحبتها: ناري ياختي، كون بقينا شويا كون دودنا



كسيدة



واحـد السيد نسيبــتو دارت كسيدة ضرباتــها طومـوبــيل
سولــوه : هــي دارت كسيدة وانت مال شـــلاقـــمك كـــحلين ؟
قــــال ليهم : شبـــعت بوســـان في الروايـــض



مدير شركة

المعلم طلب من التلاميد يكتبو إنشاء كل واحد يتخيل راسو مدير شركة.
كلشي بدا كيكتب إلا واحد، ربّع يديه وبدا كيتعنكر
جا عندو المعلم وسولو: علاش مكتكتبش؟
جاوبو التلميذ: كنتسنى السكرتيرة ديالي باش نملي عليها وهي تكتب



عرفتيني؟

واحد الموضف بغى يعيط للعساس يجيب ليه أتاي
وهو يغلط ف النمرة وصدق معيط على المدير ديالو
قال ليه: جيب ليا واحد أتاي للمكتب ديالي وطلق راسك أ الحمار
قال ليه المدير: واش عرفتي مع من كتهدر؟
قال ليه الموضف: لا
قال ليه المدير: أنا هو المدير أ الحيوان
قال ليه الموضف: ونتا عرفتي مع من كتهدر؟
قال ليه المدير: لا
قال ليه الموضف: إيوا الحمد لله
وهو يقطع



زيتون

هبيل سألوه : الزيتون فين كينوض؟
قال ليهم : كينوض في الكاشير